!(*)-DJw5: vNbu xw?0JbsJ5 kNc6+v6gu~i5 WJ8Nstq8i

ᔮᓐ ᐊᒪᕈᐊᓕᒃ

ᐃᓕᑦᑐᖅᑐᑕ. ᓯᓚᕐᔪᐊᖅ ᐊᓯᔾᔨᐸᓪᓕᐊᑎᓪᓗᒍ ᐃᓄᒋᐊᔅᓯᕙᓪᓕᐊᔪᕐᔪᐊᖑᓪᓗᑕᓗ. ᐊᓯᕙᖅᑎᐅᖏᓐᓇᕈᓐᓇᓚᐅᖅᓯᒪᖏᓐᑦᑐᒍᑦ. ᓇᒻᒥᓂᖅ ᒐᕙᒪᑦᑎᓐᓂ ᐊᐅᓚᑦᑎᓚᐅᓐᖏᓇᑦᑕ, ᐊᓯᑦᑎᓐᓄᑦ ᐊᐅᓚᑕᐅᓂᐊᕐᖓᑦ, ᓈᒻᒪᒋᓐᖏᑦᑎᐊᖅᑐᑎᒍᓪᓗ. ᐋᖅᑮᓇᓱᐊᕋᑦᑕ ᐃᓱᒪᓕᐅᖅᑕᐅᕙᑦᑐᑦ ᖃᓄᖅ ᐃᓅᔭᕆᐊᖃᕐᓂᑎᓐᓂ, ᖃᓄᖅ ᐃᓅᒐᓱᐊᕐᓂᐊᕐᓂᑎᓐᓂᓪᓗ, ᐃᓱᒪᓕᐅᖅᑕᐅᕙᑦᑐᓪᓗ ᐊᕙᑎᑦᑎᓐᓂ, ᐃᓱᒪᓕᐅᖅᑕᐅᕙᑦᑐᓪᓗ ᓂᕐᔪᑎᖁᑎᑦᑎᓐᓂ, ᐅᕙᒍᑦ ᓇᒻᒥᓂᖅ ᐃᓱᒪᓕᐅᕈᒪᒐᑦᑎᒍ. ᐅᓂᒃᑳᕆᓯᒪᑦᑎᐊᖅᑕᖓ ᑕᒪᓐᓇ ᐱᓕᕆᐊᕆᓇᓱᐊᖅᑕᑎᓐᓂ ᔭᐃᐱᑎ ᓄᓐᖓᐅᑉ ᐅᓂᒃᑳᕆᓯᒪᕚ. ᐱᕙᓪᓕᐊᔪᓕᕆᔨᒃᑯᓐᓄᑦ ᐊᐱᕆᔭᐅᓚᐅᖅᓯᒪᒻᒪᑦ, “ᖃᓄᖅ ᐃᓄᐃᑦ ᐊᓯᔾᔩᔪᒪᕙᑦ ᒪᓕᒐᕐᔪᐊᖅᑎᓐᓂ?” ᐅᖃᓚᐅᖅᓯᒪᒻᒪᑦ, “ᓱᕋᐃᔭᐃᔪᒪᕗᒍᑦ ᖃᓄᐃᑦᑐᓂᑦᑎᓐᓂ ᓇᓗᓇᐃᖅᑕᐅᓯᒪᔪᓂᒃ ᐱᐅᓯᑎᓪᓗᒍ.”

1980-ᖏᓐᓂ, ᑲᓇᑕᒥ ᐋᖅᑮᓇᓱᖃᑎᒌᓚᐅᖅᓯᒪᓂᖏᑦ ᓯᕗᓕᒥᓂᖏᑦᑕ ᐱᔪᓐᓇᐅᑎᖏᓐᓂ

ᓈᓴᐅᑎᒻᒪᕆᒻᒥ 7-ᒥ, ᔮᓐ ᐅᓂᒃᑳᖃᖅᑳᖅᑐᖅ ᐃᓚᖏᓐᓂ ᐊᐅᓪᓛᕐᓂᕆᓚᐅᖅᑕᖏᓐᓂ ᐋᑐᕚᒧᑦ ᐅᑎᕐᓂᐊᕐᓂᖓᓐᓂᓪᓗ ᓄᓇᕗᒻᒧᑦ ᓄᓇᑖᕈᑎᒃ ᐊᑐᓕᖅᑎᑕᐅᓯᒪᓕᖅᑲᑦ. ᐅᖃᖅᑐᓂᓗ ᐱᒻᒪᕆᐅᓂᖏᓐᓂ ᐃᓄᐃᑦ ᑲᑎᒪᔨᐅᖃᑕᐅᔭᕆᐊᖃᕐᓂᖏᓐᓂ ᐊᒻᒪᓗ ᐅᓗᕆᐊᓴᕈᓐᓇᕐᓂᖏᓐᓂ ᐊᓯᖏᓐᓄᑦ ᑲᒪᒋᔭᐅᓐᓂᖅᑲᑕ. ᔮᓐ ᐅᑎᖅᑐᓂ ᐊᐃᕙᖃᑕᐅᓪᓗᓂ 1980-ᖏᓐᓂ, ᓯᕗᓕᖅᑎᒧᑦ ᑐᕉᑐᒧᑦ ᐊᑐᓕᖅᑎᑕᐅᒃᑲᓐᓂᖁᓪᓗᒋᑦ ᒪᓕᒐᕐᔪᐊᑦ, ᐱᖃᑕᐅᓗᑎᓪᓗ ᐃᓄᐃᑦ ᑕᐱᕇᔅᓴᒃᑯᑦ ᑲᓇᑕᒥ ᐋᔩᖃᑎᒌᓪᓗᑎᒃ ᑕᒪᒃᑯᐊ ᐃᓕᓴᕆᔭᐅᑦᑎᐊᕐᓂᐊᕋᓗᐊᕐᒪᖔᑦᑕ ᐃᓄᐃᑦ ᑲᓇᑕᒥ ᐱᒋᐊᖅᑎᑦᑎᓯᒪᔪᑦ. ᑕᐃᒃᑯᐊᖑᑎᓪᓗᒋᑦ, ᐊᑐᓕᖅᑎᑦᑎᑲᓐᓂᕐᓂᖅ ᐱᒻᒪᕆᐅᒻᒪᑦ - ᐃᓄᓕᒫᓄᑦ - ᐊᐅᓚᑕᐅᓗᑎᒃ ᐊᔅᓱᕈᕐᓂᕆᓯᒪᔭᖏᓐᓄᑦ. ᐅᓂᒃᑳᖃᖅᑐᓂᓗ ᓯᕗᓕᖅᑏᑦ ᑲᑎᒪᓂᕆᓚᐅᖅᓯᒪᔭᖏᓐᓂ ᐃᓄᓐᓄᑦ ᓄᓇᑖᕈᑎᔅᓴᓂᒃ ᐱᔾᔪᑎᖃᖅᑐᑎᒃ ᐊᒻᒪᓗ ᑯᐸᐃ ᖃᓄᐃᓕᖓᓂᖏᓐᓂ. ᐃᖅᑲᐅᒪᔪᖅ ᐃᓱᒫᓗᓐᓂᐅᓚᐅᖅᑐᖅ ᐊᕕᑦᑐᖅᓯᒪᔪᓂᒃ ᒐᕙᒪᐅᔪᓂᒃ ᐊᖏᕈᑕᐅᓯᒪᔪᓂᒃ ᒐᕙᒪᐅᑉ ᐃᓗᓕᖅᑕᖏᓐᓂ. ᐅᓂᒃᑳᕆᓪᓗᓂᓗ ᐊᔾᔨᒌᓐᖏᓐᓂᖏᓐᓂ ᒐᕙᒪᑐᖃᒃᑯᑦ ᓕᐳᕈᖏᑦ ᐱᐅᖅᓱᐊᖅᑏᓪᓗ ᑭᒡᒐᖅᑐᐃᓂᖏᓐᓂ. ᐅᓂᒃᑳᖃᕐᒥᔪᖅ ᐊᔾᔨᒌᓐᖏᓐᓂᖏᓐᓂ ᑕᑯᓐᓇᖅᑕᐅᔪᓂᒃ ᐃᓄᓐᓂᒃ ᐊᓪᓚᓂᓪᓗᑦ ᑕᒪᒃᑯᓂᖓ ᒐᕙᒪᐅᔪᓂᒃ. ᑕᐃᒪᓕ, ᔮᓐ ᐅᓂᒃᑳᖃᓕᕆᓪᓗᓂ ᐊᐃᕙᓂᐅᔪᒥᑦ ᒦᑦ ᓚᐃᒃ ᒪᓕᒐᖏᓐᓂ, ᐃᓕᓴᕆᔭᐅᓂᖏᑦ ᑯᐸᒃᑯᑦ ᐊᔾᔨᐅᖏᓐᓂᖏᓐᓂ ᐃᓄᖏᑦ ᑭᓯᐊᓂᓕ ᐅᖃᐅᓯᖃᓐᖏᒻᒪᑕ ᓄᓇᖃᖅᑳᖅᑐᒥᓂᕐᓂᑦ. ᑕᐃᔅᓱᒪᓂᔅᓴᐃᓐᓇᖅ, ᐊᖏᔪᖅᑳᖑᓚᐅᖅᓯᒪᔪᖅ ᑕᐱᕇᔅᓴᑯᓐᓄᑦ. ᐅᓂᒃᑳᖃᕆᓪᓗᓂ ᖃᓄᖅ ᐃᓄᐃᑦ ᐃᑉᐱᒍᓱᓚᐅᕐᓂᖏᓐᓂ. ᐃᓄᐃᑦ ᑭᖑᓪᓕᖅᐹᖑᓪᓗᑎᒃ, ᐅᓂᒃᑳᕆᓪᓗᓂᒋᑦ ᑏᕖᒃᑰᖅᑐᒥᓃᑦ ᓈᓚᐅᑎᒃᑯᓪᓗ ᐅᑭᐅᖅᑕᖅᑐᒥ, ᐊᑦᑐᐃᓂᖃᕐᓂᖏᓐᓂᓪᓗ ᐃᓄᓐᓂᒃ ᓄᓇᓕᓐᓂᑦ.